بەهۆی هێرشی سەر کەمپی پەنابەرانی شاتی لە ڕۆژئاوای کەرتی غەززە، ٨ کەس شەهید بوون و زیاتر لە ٣٠ هاوڵاتی مەدەنیش بریندار بوون. لەنێو شەهیداندا دوو منداڵیش هەبوون.

بە هۆی هێرشی رژێمی سەهیۆنی بۆ سەر کەمپی پەنابەرانی شاتی لە ڕۆژئاوای غەززە، ٨ فەلەستینی شەهید بوون و زیاتر لە ٣٠ هاوڵاتی مەدەنی بریندار بوون.

سەرچاوە خۆجێییەکان باسیان لەوە کردووە کە لە هێرشەکە ڕاستەوخۆ ماڵێکی کراوەتە ئامانج و دوو منداڵیش لەنێو شەهیدەکاندا بوون.

سەرچاوە تەندروستییەکان لە غەززە رایانگەیاندووە، زۆرێک لە بریندارەکان لە دۆخێکی سەختدان و ترسیش هەیە کە هێشتا خەڵکی مەدەنی لە ژێر داروپەردوودا گیریان خواردووە.

ژمارەی شەهیدانی هێرشەکانی رژێمی سەهیۆنی کە لە ٧ی تشرینی یەکەمی ساڵی ٢٠٢٣ەوە بەردەوامە، گەیشتووەتە ٥٧ هەزار و ٥٧٥ کەس و ژمارەی بریندارانیش گەیشتووەتە ١٣٦ هەزار و ٨٧٩ کەس.

زانراوە کە ئەم ژمارانە نادیارە و زۆرێک لە خەڵکی مەدەنی لە ژێر داروپەردوودا گیریان خواردووە و هێشتا دەستیان پێ نەگەیشتووە. تیمەکانی ئەمبولانس و فریاگوزاری بەهۆی بۆردومان و وێرانکارییە توندەکانەوە لە خەباتدان بۆ گەیشتن بە زۆر ناوچە.(İLKHA)